Әкімшілік мемлекеттік қызмет лауазымына үміткерлерді тестілеу Қоғам қызметі бағыттарының бірі болып табылады және ол Қазақстан Республикасы азаматтарының өтініш білдіруі бойынша өткізіледі. Тестілеуге жеке сәйкестендіру нөмірі бар Қазақстан Республикасы азаматының жеке басын куәландыратын құжаты бар адамдар жіберіледі. Тестілеу рәсімін жүзеге асыру үшін «Е-қызмет» ықпалдастырылған ақпараттық жүйесінің «Тестілеу» ішкі жүйесі қолданылады.
Тестілеу барысы мемлекеттік тілді білуге арналған тесті және заңнамалық актілер бойынша сұрақтардан тұрады. Тестілеу залдары орталықтандырылған бейнебақылау жүйесімен қамтамасыз етілген, сондай-ақ ақпараттық қауіпсіздік бағдарламасымен қорғалған 500 жұмыс станциялары бар республиканың 14 аймақтық орталықтарында, 3 республикалық маңызы бар қалаларында (Нұр-Султан, Алматы, Шымкент) және облыстық маңызы бар қалаларда Арқалық, Балқаш, Семей, Жезказган қалаларында орналасқан.
Барлық тестілеу процедураларының үздіксіз дыбыс және бейне жазбасы қамтамасыз етіліп, алты ай сақталады.
Тестілеу залдары ұялы байланысты тұншықтыратын құралмен, кандидатты сәйкестендіру мақсатында карт-ридермен жабдықталған. Әрбір жұмыс станциясы кандидатты суретке түсіруге және тестілеу барысын бейне жазба жүргізуге арналған веб-камералармен қамтамасыз етілген.
Көрсетілген шекті мәннен төмен нәтиже алған жағдайда қайта тестілеуге кемінде 15 күнтізбелік күн кейін жіберіледі.
Тестілеу ережелері бұзылған жағдайда, үміткер тек 6 айдан кейін ғана қайта тестілеуге жіберіледі
Қазақстанда мемлекеттік қызметке орналасу үшін тестілеу қалай өтеді
2016 жылдан бастап «Қазақстан Республикасының мемлекеттік қызметі туралы» ҚР заңына өзгерістер енгізілді, оған сәйкес азаматтарға тағы бір тестіден – жеке қасиеттерді бағалаудан өту қажет.
Тест бағдарламаларының анық-қанығымен, нормативтік құқықтық актілердің тізімімен және өту ұпайларымен мына жерден танысуға болады.
Бірінші бағдарлама бойынша сертификат екінші және үшінші бағдарламаларға тиесілі лаузымдардың санаттары үшін жарамды. Екінші бағдарламаға арналған сертификат үшінші бағдарлама бойынша санаттарды қамтиды.
Сертификат бір жылға жарамды.
Тестілеуден кері қорытынды алған жағдайда азамат 15 күннен кейін қайта тестілеуден өте алады.
«Электрондық үкімет» веб-порталы немесе Мемлекеттік корпорацияға (ХҚКО) жүгіну арқылы электрондық цифрлық қолтаңба болған жағдайда жоғалған сертификаттың телнұсқасын қалпына келтіруге болады.
Сынақ тестілеуіне жазылу үшін мына сілтеме бойынша өтіңіз.
Қазақстан Республикасы заңнамасын білу тестілеуін сәтті тапсырғаннан кейін «Б» корпусының лауазымына кандидат жеке қасиеттерді бағалау тестілеуінен өтуге тиіс. ЖҚБ мақсаты әлеуетті мемлекеттік қызметшінің қасиеттерін бағалау болып табылады, ол адамды жеке тұлға ретінде сипаттайды. Бұл бағалауды конкурстық комиссия қарайтын болады.
2019 жылдан бастап ЖҚБ бойынша тестілеу ережелеріне өзгерістер енгізіліп, ЖҚБ бойынша тестілеудің өту шегі кемінде 50% деңгейінде белгіленді
Жеке қадір-қасиетін өздігінен бағалау барысында кандидаттардың даму деңгейі анықталды: бастамашылық, коммуникациялық қабілет, талдаушылық, ұйымдастырушылық, әдептілік, сапаға ұмтылыс, тұтынушыға бұрылу және сыбайлас жемқорлыққа төзбеушілік.
ЖҚБ бойынша тестілеу Қазақстан Республикасы заңнамасын білу тестілеуінен оң қорытынды алған адамға өздігінен тағайындалады.
Өз қалауынша кандидат ЖҚБ бойынша тестілеуді бірден тапсыра алады немесе оны басқа күні тапсыруға жазыла алады.
Құқық қорғау қызметіне алғаш рет орналасатын азаматтардың жеке қадір–қасиетін бағалау бірінші және екінші бағдарлама бойынша жүргізіледі.
Қауіпті төңірек – талап етілетін лауазымға орналасу үшін жеке қасиеттердің жеткіліксіз деңгейінің сипаттамасы. Басқаша айтқанда, қандай да болсын құзыреттілік бойынша жинаған ұпайыңыз қауіпті төңірек деңгейінен кем болса, Сіздің жеке тұлға ретінде дамуыңыз жеткіліксіз деп саналады.
Өтінішті екі жолмен тапсыруға болады: электрондық үкімет порталы арқылы онлайн жолымен (egov.kz) немесе «Азаматтарға арналған үкімет» мемлекеттік корпорациясына жүгіну арқылы.
Тестілеуге онлайн арқылы тіркелу үшін тестілеудің қалаған қажетті түріне орай egov.kz веб-сайтында «Азаматтарға» – «Жұмысқа орналастыру және жұмыспен қамтылу» – «Мемлекеттiк қызметшiлерді, бос мемлекеттік әкімшілік лауазымға орналасуға үміткерлерді тестілеу» немесе «Жеке қадір-қасиетін бағалау үшін тестілеуге жазылу» деген тарауларға кіру қажет.
Сәтті түрде тіркелгеннен кейін тестілеудің кестелері мен тізімдерін мына парақтан қарап шығуға болады.
Тестілеу сұрақтары бойынша WhatsApp нөміріне хабарласыңыз:
+7 (747) 724 58 94 (WhatsApp)
